Башҡортостанда «Туған тел илселәре» республика акцияһы башланды. Уның ойоштороусылары - Бөтә донъя башҡорттары ҡоролтайы, Башҡортостандың Мәғариф һәм фән министрлығы һәм БР Мәҙәниәт министрлығы.

Акция барышында мәктәп йәшендәге балалар менән халҡыбыҙ мәҙәниәтен һәм телебеҙҙе республика музейҙары нигеҙендә өйрәнеү ҡаралған. Акция 25 декабргә тиклем онлайн форматта дауам итәсәк.

Әлеге ваҡытта интерактив дәрестәрҙе төшөрөү башланды.  Баймаҡ районындағы Темәс тарих-крайҙы өйрәнеү музейы һәм Күгәрсен районы Туйөмбәт ауылындағы Зәйнәб Биишеваның йорт-музейынан материал тупланған. Киләһе дәресте 112-се Башҡорт атлылар дивизияһы музейында төшөрөү планлаштырылған.

Дәрестәр «Туған тел донъяһы» сайтында урын аласаҡ.