Киң билдәле музыкант — кларнетсы, Башҡортостандың атҡаҙанған артисы Артур Нәзиуллин  6 февралдә МәскәүҙәЧайковский исемендәге концерт залында сығыш яһаясаҡ. Концерт Мәскәү дәүләт академия филармонияһының «XXI быуат йондоҙҙары» абонементы сиктәрендә үтә.

Шулай уҡ концертта халыҡ-ара конкурстар лауреаттары, скрипкасы Иван Почекин, пианинола уйнаусы Дмитрий Шишкин һәм Е.Светланов исемендәге Рәсәй дәүләт академия симфоник оркестры (дирижер Дмитрий Крюков) ҡатнашыуы көтөлә.

Артур Нәзиуллин – Шәйехзада Бабич исемендәге дәүләт йәштәр премияһы лауреаты, халыҡ-ара конкурстар лауреаты, Мәскәү дәүләт академия филармонияһы һәм Рәсәй Мәҙәниәт министрлығының «XXI быуат йондоҙҙары» программалары солисы, Мәскәү өлкә филармонияһы солисы, Владимир Спиваковтың Башҡортостандағы хәйриә фонды директоры.