“Башҡортостан” дәүләт концерт залында Башҡортостандың атҡаҙанған артисы Сәғиҙулла Байегетов 45 йәшлек юбилейы айҡанлы “25 йылдың иң яҡшыһы” концерт программаһы менән сығыш яһаны.   Тамашасы Сәғиҙулланы һағынған, зал шығырым тулы булды. Артисты тәбрикләп Башҡортостан Республикаһының Дәүләт Йыйылышы – Ҡоролтай Рәйесе урынбаҫары Рөстәм Ишмөхәмәтов сығыш яһаны һәм төбәк парламентының Почет грамотаһын тапшырҙы. Шулай уҡ концертта Сәғиҙулланың дуҫтары Айҙар Ғәлимов, Ян Лира, Саша Невский, Рәил Өмөтбаев, Гүзәл Аҫылбаева, Илнур Рамазанов, Рөстәм Ғиззәтуллин, Мәскәүҙән Айрат Мусин, Анжелика Якусева сығыш яһаны. “Реннесанс” коллективының бейеүҙәр байрам биҙәге булды.