«Башҡортостан» дәүләт концерт залында 3 июль көнө Башҡортостандың Милли симфоник оркестры күркәм тамаша ҡарарға саҡыра. Концерт миҙгеле тамамланыу уңайынан оркестр коллективы күптәребеҙ яратып ҡараған кинофильмдарҙан саундтректар музыкаһын тәҡдим итә. Концерт киске сәғәт 19.00 башлана. Тамаша ике сәғәт дауамында бара.

«Киномузыка миңә яҡын, — тип һөйләй программа дирижеры Камил Абдуллин, — 2011 йылдан Рәсәй фильмдарына һәм телевидение сериалдарына музыка яҙам. Композитор эшенең профессиональ оҫталығына Заһир Исмәғилев исемендәге Өфө дәүләт сәнғәт институтында Салауат Сәлмәнов класында өйрәндем, ә Санкт-Петербургта Максим Кошеваровтың студияһына эләгеү бәхете тейҙе, уға мин үтә ныҡ рәхмәтлемен»http://www.bashinform.ru/bash/101703.

Был кис ҙур экранда тамашасылар легендар кинотаҫмалар кадрҙарын күрәсәк, тамаша  «Титаник» кинофильмынан Джеймс Хорнерҙың көйө менән тамамланасаҡ.