Башҡортостандың мәҙәниәт министры Әминә Шафиҡова Фәриҙә менән Фидан Ғафаровтарҙы зөбәржәт туйҙары менән ҡотланы
Бөгөн үҙҙәрененең зөбәржәт туйҙарын Фәриҙә Хәбибулла ҡыҙы менән Фидан Сафа улы Ғафаровтар билдәләй. Уларҙы ғүмер байрамдары менән тәбрикләп, Башҡортостан Республикаһының мәҙәниәт министры Әминә Шафиҡова ҡотлау телеграммаһы ебәрҙе:
«Хөрмәтле Фидан Сафа улы һәм Фәриҙә Хәбибулла ҡыҙы!
Һеҙҙе Башҡортостан Республикаһының Мәҙәниәт министрлығы, ижади йәмәғәтселек һәм үҙемдең исемдән күркәм ғүмер байрамығыҙ менән ихлас ҡотлайым!
Һеҙ республикабыҙҙың күрке булған данлыҡлы ғаилә, абруйлы заттар. Фидан Сафа улы – легендар артист, ә Фәриҙә Хәбибулла ҡыҙы уның өсөн ҡояш кеүек: уның эргәһендә йылы һәм нурлы, изге күңелле, иғтибарлы, асыҡ күңелле кеше. Һеҙҙең кеүек матур парҙар йәштәргә тоғролоҡ һәм мөхәббәт, ғаилә ҡиммәтәрен күрһәтеүсе изге маяҡ.
Хөрмәтле юбилярҙар, Зөбәржәт туйығыҙ хуш килһен! Үҙегеҙгә һәм яҡындарығыҙға оҙон ғүмер, ныҡлы сәләмәтлек, бәхет, муллыҡ, бәрәкәт теләйем! Һәр көн тик шатлыҡ-ҡыуаныстар ғына килтерһен!
Башҡортостан Республикаһының Мәҙәниәт министры Әминә Шафиҡова».
