Кисә Өфөлә Башҡортостан Башлығы Хакимиәте етәксеһе Максим Забелин төбәктең иң яҡшы хеҙмәткәрҙәренә Рәсәйҙең һәм республиканың дәүләт наградаларын тапшырҙы.

Бүләкләнеүселәр араһында төрлө һөнәр эйәләре, шул иҫәптән республиканың сәнғәт эшмәкәрҙәре булды:

- ҡурайсы Азат Айытҡолов «Ватан алдындағы ҡаҙаныштары өсөн» II дәрәжә ордены миҙалы менән билдәләнде;

- «Рәсәй Федерацияһының атҡаҙанған рәссамы» исеме рәссам Сергей Игнатенкоға һәм график Тәлғәт Мәсәлимовҡа бирелде;

- «Рәсәй Федерацияһының атҡаҙанған мәҙәниәт хеҙмәткәре» исеменә Өфө ҡалаһының А. Кузнецов исемендәге 1-се балалар художество мәктәбе уҡытыусыһы Юрий Григорьев лайыҡ булды;

- РСФСР-ҙың халыҡ артисы, легендар актриса Нурия Ирсаева Салауат Юлаев орденын алды;

- М. Ғафури исемендәге Башҡорт дәүләт академия драма театры актрисаһы Гөлфиә Рафиҡоваға «Башҡортостандың халыҡ артисы» тигән юғары исем бирелде.