«Башҡортостандың яратҡан рәссамдары» проекты еңеүселәре билдәләнде

«Башҡортостандың яратҡан рәссамдары» проекты еңеүселәре билдәләнде

Башҡортостан халҡы иң яратҡан рәссамдарын һайланы. Өфөлә ошондай проектҡа йомғаҡ яһалды. Еңеүселәр гала-концертта бүләкләнде. Йыл дауамында республика халҡы интернет аша рәссамдар өсөн тауыш бирҙе. Улар дүрт номинацияла һайланды. “Легендар” тип Әхмәт Лотфуллин, Әҙиә Ситдиҡова, Николай Пеганов билдәләнде. Ойоштороусылар әйтеүенсә, киләсәктә улар исемдәре менән йәш рәссамдар өсөн премиялар булдырыла. Бынан тыш, “Оҫталар”, “Көнүҙәк сәнғәт” һәм “Халыҡ таланттары” номинациялары буйынса еңеүселәр бүләкләнде. “Башҡортостандың яратҡан рәссамдары” проекты былтыр июндә башланды. Махсус сайтта 600-ләп ижадсының эштәре урынлаштырылды. Быйыл иһә проектҡа скульптурҙар һәм фоторәссамдар ҡушыла.

 

«Башҡортостандың мәҙәни донъяһы» интернет-порталы дәүләт телдәре булған башҡорт һәм рус телдәренән тыш, инглиз телендә лә Башҡортостандың мәҙәниәте һәм сәнғәте хаҡында бөтә донъяға бәйән иткән мәғлүмәт сараһы.

© 2016 All Rights Reserved. Designed By HunterWeb.ru

Редакция менән бәйләнеш

E-mail: kmb.rb@yandex.ru

Материалдарҙан күсермә һәм өҙөмтә алған осраҡта порталға һылтанма эшләү мотлаҡ.

 

Разработка сайта - HunterWeb