Республика халыҡ ижады хәбәр итеүенсә,  Вконтакте  һәм Facebook социаль селтәрҙәрҙә «Берҙәмлек » Халыҡ-ара Милли мәҙәниәт фестиваленең төркөмдәре асылған.

Төркөмдә ағымдағы йылдың 7-12 июнь көндәрендә баш ҡалала уҙасаҡ фестивалдең иң актуаль һәм ҡыҙыҡлы мәғлүмәттәре генә тупланасаҡ. Шулай уҡ ҡатнашыусы коллектив һәм төркөмдәрҙең фото һәм видеоларын ҡарау мөмкинлеге буласаҡ.

Быйыл Халыҡ-ара Милли мәҙәниәт «Берҙәмлек» фестивале республикабыҙҙың Дыуан, Ҡыйғы, Мәсетле, Салауат, Балаҡатай райондарында һәм Өфө ҡалаһында үтәсәк.

Фестиваль программаһы һәр йылдағыса бик бай һәм мауыҡтырғыс. Байрам сиктәрендә тамашасылар Ҡытай, Индия, Эстония, Корея, Сербия, ЮАР, Шри-Ланка, Колумбия, Мексика, Иран илдәренең мәҙәниәте, милли ғөрөф-ғәҙәттәре һәм традициялары менән таныша аласаҡ.

Фестиваль «Рәсәй мәҙәниәте» (2012-2018 йй.) федераль маҡсатлы программа сиктәрендә ойошторола һәм 2020 йылда уҙасаҡ Бөтә донъя Фольклориадаға әҙерлек сараһы ла.

Фестивалде ойоштороусылар: . В.Д.Поленов исемендәге Рәсәй Халыҡ ижады йорто, Рәсәй Федерацияһының Мәҙәниәт министлығы, Башҡортостан Республикаһының Мәҙәниәт министрлығы, Республика халыҡ ижады йорто, Өфө ҡалаһы Хакимиәте, Дыуан, Ҡыйғы, Мәсетле, Салауат һәм Балаҡатай райондары.

Гүзәл Багаева