Бөгөн билдәле фоторәссам Рәмил Килмәмәтовтың йөрәге тибеүҙән туҡтаны. Үткер күҙле фото оҫтаһы йәнтөйәгебеҙҙә уҙғарылған һәр мөһим сараның үҙәгендә һәр саҡ ҡайнаны.

Рәмил Исмәғил улы, рәссам күҙе менән күреп, эләктереп өлгөргән кадрҙарында республикабыҙҙың, илебеҙҙең тарихын сағылдырҙы. Башҡортостан­дың ха­лыҡ рәссамы, рес­публикабыҙҙың Салауат Юла­ев исемендәге дәүләт пре­мияһы лауреаты Рәмил Килмә­мәтов яратҡан шөғөлөнә 40 йылдан ашыу ғүмерен бағышланы. Ошо дәүер эсендә ул ер-һыуыбыҙҙы ар­ҡыры­һынан буйына йөрөп сыҡҡан, бынан тыш, бик күп илдәрҙе лә гиҙ­гән. Фотоһүрәт­тәре Мәс­кәүҙә, Санкт-Петербургта, Ас­та­нала, Баҡыла, Мин­с­киҙа, Истанбулда, Анкарала, Ҡаһи­рәлә, Римда, Парижда, Дрезденда, Берлинда һәм башҡа төбәк­тәрҙә шәхси күргәҙмәлә­рендә ҡуйылды.

Килмәмәтов Рәмил Исмәғил улы- Рәмил Исмәғил улы Килмәмәтов 1949 йылдың 10 сентябрендә Благовар районы Үрге Ҡарғалы ауылында тыуған.

1987 йылда Мәскәү мәҙәниәт институтын тамамлай. 1976 йылдан «Ағиҙел» кинофотоклубында бүлек мөдире, 1992 йылдан — Башҡортостан Республикаһының Фоторәссамдар союзы, 2004 йылдан алып — Рәсәй Федерацияһы Фоторәссамдар союзының Башҡортостан бүлеге рәйесе вазифаһын башҡарҙы.

Мәрхүм менән хушлашыу иртәгә Башҡорт дәүләт филармонияһында 11.00 сәғәттә уҙасаҡ.