«Өфө йүкәләре» йыры авторы, композитор Рим Хәсәнов Башҡортостандың баш ҡалаһына арнап «Өфө шыршылары» тигән яңы йыр яҙған.

Ошо көндәрҙә танылған ижадсы Өфө ҡалаһының почетлы гражданы исеменә лайыҡ булды.
Композитор, шағир Рәсих Ханнанов менән яңы йырҙар яҙған һәм улар араһында «Өфө шыршылары» ла бар.

Автор «Һиңә тағы мин бер киләм әле», «Һин ғүмер ағыштарым», «Ромашка япраҡтары» исемле йырҙарын рус теленә тәржемә иткән. Йырҙарҙы рус телендә Александр Тихонов башҡарасаҡ.

Композиторҙың инструменталь әҫәрҙәре лә тыңлаусылар араһында киң билдәле һәм популяр.

9 декабрҙә Өфөлә башҡорт композиторҙарының әҫәрҙәренән симфоник концерт ойошторола. Был концертта Рим Хәсәновтың «Скучаю», «Не получается разлюбить» һәм «Улетим в вальсе» исемле өс яңы симфоник пьесалары яңғырай.