Белорет районының Абҙаҡ ауылы Мәҙәниәт йортонда  билдәле шағир, журналистика ветераны Әхмәҙин Әфтәхтең 70 йәшлек юбилейына арналған ижад кисәһе үтте.
Сарала  Белорет районы хакимиәте башлығының беренсе урынбаҫары Илгиз Сафый улы Теләүбаев, Ѳфѳнән килгән ҡунаҡтар: Яҙыусылар берлеге рәйесе, әҙәбиәт ғалимы, тәнҡитсе, журналист Зәки Арыҫлан улы Әлибаев, шағирә, тәржемәсе, журналист Лариса Хашим ҡыҙы Абдуллина, балалар яҙыусыһы, тәржемәсе Фәрзәнә Хәйбулла ҡыҙы Ғѳбәйҙуллина һәм шағир, прозаик Зѳфәр Зәки улы Вәлитов ҡотлау һүҙҙәре менән сығыш яһаны.

Шулай уҡ райондың "Урал" гәзите хеҙмәткәрҙәрҙәре, Белорет "Иҙел башы" яҙыусылар ойошмаһы ағзалары, Абзаҡ ауылы хакимиәте башлығы Салауат Хәмзә улы Мѳхәмәҙиев, мәктәп директоры Гѳлшат Рауил ҡыҙы Йомағужина, шағирҙың уҡытыусылары, класташтары, туғандары сәхнә түренә менеп хәтирәләре менән уртаҡлашты, изге теләктәрен теләне.

Сара мәктәп уҡыусыларының, уҡытыусыларының һәм Абҙаҡ ауылы ағинәйҙәренең концерт номерҙары менән үрелеп барҙы.