Башҡортостандың Халыҡтар дуҫлығы йорто ҡатнашырға теләүселәрҙе "Хазина" конкурсында ҡатнашырға саҡыра. Ул Башҡортостан халыҡтарының Милли кейем көнөн байрам итеү сиктәрендә ойошторола.

7 апрелдән 17-нә тиклем "Бәйләнештә" һәм Instagram шәхси битендә этник стилдә милли биҙәүестәр, аксессуарҙар менән төшкән фотоһүрәтен һалырға, #Хазина2021 хештегын ҡуйырға һәм @ddn _ rb аккаунтын билдәләргә кәрәк.

Конкурсҡа 18 апрелдә йомғаҡ яһаласаҡ. Бөтәһе ике еңеүсе билдәләнәсәк, һәр социаль селтәрҙә берәр урын аласаҡ. Иң күп лайк йыйған ҡатнашыусыларға бүләктәр тапшырыласаҡ.