Башҡортостан Республикаһының Милли музейында 1941-1945 йылдарҙағы Бөйөк Ватан һуғышында Еңеүҙең 78 йыллығына арналған «Башҡортостан генералдары» күргәҙмәһе асылды.

Сараға килгәндәрҙе БР Милли музейы директоры урынбаҫары Азамат Аҡъюлов сәләмләне:

- Бөйөк Ватан һуғышында Еңеүҙең 78 йыллығына арналған күргәҙмәнең темаһы бөтәһе өсөн дә ҡыҙыҡлы, сөнки Башҡорт ере бик күп геройҙар бирҙе, Башҡортостан генералдары тураһында китаптар уҡылды. Беҙҙә тап «Башҡортостан генералдары» дәреслеге тәҡдим ителгән. Рамаҙан Өмөтбаев, Таһир Күсимов, Миңлеғәле Шайморатов һәм башҡаларҙың әҫәрҙәрен дә беләһегеҙҙер тип уйлайым. Экспозиция Башҡортостан генералдары тураһында белемде арттырыу маҡсатында ойошторола, - тине Азамат Аҡъюлов.

Экспозицияла Башҡортостанда тыуып үҫкән, Бөйөк Ватан һуғышында ҡатнашҡан маршалдарҙың, генералдарҙың һәм адмиралдарҙың шәхси комплекстары тәҡдим ителгән. Улар араһында төбәгебеҙҙең генерал-полковнигы Яҡуп Чанышев, генерал-майорҙар Миңлеғәле Шайморатов, Таһир Күсимов, авиация маршалы Иван Пстыго, контр-адмирал Михаил Бакаев кеүек билдәле шәхестәре бар.

Күргәҙмәлә йәмғеһе йөҙгә яҡын экспонат тәҡдим ителә, улар иҫәбендә - шәхси ҡулланылыштағы әйберҙәр, формалы кейем-һалым һәм атрибутика, наградалар һәм башҡалар. Уларҙың күпселеген музейға күргәҙмә геройҙары үҙҙәре йәки уларҙың туғандары тапшырҙы.