20 августа Башҡортостандың Милли музейында БР тәбиғәттән файҙаланыу һәм экология министрлығы булышлығында "Изге ЭКО-дәрестәр" йәмәғәт хәйриә проекты ойошторған федераль кимәлдәге «Йәшел шәмбе» экологик акцияһы ойошторола.

Бындай акциялар аңлы рәүештә ҡулланыуҙы һәм экологик йәшәү рәүешен алға этәреүгә булышлыҡ итә, ағымдағы ҡатмарлы осорҙа халыҡҡа иҡтисади йөкләмәне кәметә. Әйберҙәр менән алмашыу әйберҙәрҙе файҙаланыу срогын оҙайтыуҙан тыш (тимәк, ҡалдыҡтар, шул иҫәптән хәүеф-хәтәр класы ҡалдыҡтары барлыҡҡа килеүен кәметеү), экологик белем биреүҙең, аңлы ҡулланыу мәҙәниәтен булдырыуҙың бер өлөшөнә әйләнергә мөмкин.

Был акция музейҙа ике тапҡыр ойошторолдо һәм килеүселәрҙә ҙур ҡыҙыҡһыныу уятты. Өфөләр текстиль, интерьер предметтары, һауыт-һаба менән алмашты. Башҡортостан Республикаһының Милли музейында Елена Башлыҡованың «Беҙ лайыҡлы булған фәрештәләр» фотокүргәҙмәһе үтте. Унда сүп-сарҙы айырым йыйыу, уны икенсел эшкәртеү йәки ҡулланыу проблемаһына арналған 12 эш тәҡдим ителде. Проект презентацияһында хатта икенсел сеймалдан булған фәрештә ҡанаттарын да һынап ҡарарға мөмкин ине.

Киләһе ошондай акция мәктәп кәрәк-яраҡтары һәм дәреслектәр менән алмашыуға арнала.

Алмашыу пункттарының адрестары һәм тематикаһы менән «Йәшел шәмбе»нең тулы графигын проекттың сайтында ҡарарға мөмкин.