БР Милли музейында ошо көндәрҙә ”Образдар донъяһында” исемле рәссам Михаил Гладкихтың рәсемдәре күргәҙмәһе асылды. Михаил Гладких эштәренән тыш, музейҙағы күргәҙмә залында билдәһеҙ Өфө рассамдары, төрлө жанрҙарҙа төшөрөүселәр, уның уҡыусылары эштәре лә урынлашты.

Михаил Гладких эштәре фантазия уйыны, фәлсәфә, ике мәғәнә һаҡлаһа, йыйылма эштәр араһында пейзаж, натюрморт, портреттар өҫтөнлөк итә. Картиналар ябай түгел, ә тап фекерләү аҙығы бирә торғандарҙан.

Күргәҙмә БР Милли музейының 2-се ҡатында урынлашҡан. Ул сентябрь аҙағына тиклем дауам итә.