Башҡортостан Республикаһының Милли музейында “Шәхес менән экскурсия” акцияһының март осрашыуҙары психолог, коуч һәм тренер, М. Аҡмулла исемендәге БДПУ университеты психология кафедраһы доценты Гөлнәзирә Йәнтурина менән тамамланды.

“Шәхес менән экскурсия”ның сираттағы осрашыуы төрлө йәштәге ҡунаҡтар-өлкәндәр, үҙен эҙләүсе йәштәр, уҡыу йортто студенттары тормошона ситтән ҡарай алды. Ҡыҙыҡлы мәғлүмәттәр алды. Үҙенсәлекле практикумда ла ҡатнашты.

Мәҫәлән, осрашыуға килгәндәр араһынан кеше һәм маҡсат, һәр кешегә ҡамасаулаусы икеләнеү, үҙ-үҙеңә ышанмау, ялҡаулыҡ һайлап алынды. Һәм ентекләп уларҙың кешегә нисек ҡамасаулауы хаҡында аныҡ картина тыуҙырылды.