“Шоңҡар” журналы хәбәр итеүенсә, Булат Рафиҡов исемендәге фантастик әҫәрҙәр бәйгеһе иғлан ителде.

 Конкурста 16 йәштән 45 йәшкә тиклемге һәр ҡәләм тибрәтеүсе ҡатнаша ала. 
Бер автор бер генә әҫәр тәҡдим итеү мөмкинлегенә эйә. Үҙе тураһында мәғлүмәт, фото ебәрә һәм журналға яҙылған булыуы мотлаҡ. 

Әҫәр күләме сикләнмәй, әммә матбуғатта донъя күрмәгән булһын.  Материалдарҙы “конкурсҡа” тигән билдәләмә менән электрон почтаға һалырға йә редакцияға алып килергә мөмкин. 

Бәйге 2017 йылдың аҙағына тиклем дауам итә. Йомғаҡ декабрь аҙағында яһала.  Билдәле прозаиктарҙан торған жюри урындар һәм премиялар билдәләй.  I урын – 5000, II урын – 3000, III урын – 2000 һум. Бәйге барышында бүләкләү фонды артырға ла мөмкин.

Бәйге тураһында тулыраҡ мәғлүмәт алыр өсөн түбәндәге һылтанма буйынса үтегеҙ: http://sh.shonkar.ru