Быйылдан Сибай сәнғәт колледжында бейеү класы асыласаҡ. Башҡортостанда һәм унан ситтә лә ҙур абруй ҡаҙанған, тамашасыларҙың эскерһеҙ һөйөүен, ихтирамын яулаған "Сибай" халыҡ бейеүҙәре ансамблендә бейеп йөрөгән егет һәм ҡыҙҙарға лайыҡлы алмаш әҙерләү мөмкинлеге буласаҡ. Республикабыҙ мәҙәниәте һәм сәнғәте тип янып йәшәүсе һәм ижади эҙләнеүҙәр менән яныусы йәш таланттарҙы Сибай сәнғәт колледжында кѳтѳп ҡалалар.