Уҙған ял көндәрендә Башҡортостанда һабантуйҙар гөрләне, байрам саралары республиканың 19 районында уҙғарылды: Ағиҙелдә, шулай уҡ Әлшәй, Архангел, Ауырғазы, Благовар, Бүздәк, Бөрйән, Дәүләкән, Дүртөйлө, Ейәнсура, Йылайыр, Көйөргәҙе, Мәләүез, Стәрлетамаҡ, Туймазы, Өфө, Учалы, Федоровка, Хәйбулла райондарында.
Был аҙнала һабан байрамы республиканың 28 муниципалитетында уҙғарыла. Өфөлә иһә байрам ҡала көнөндә - 12 июндә була. Республикала иң һуңғы булып һабантуйҙы иглиндар уҙғара - ул 7 июлгә тәғәйенләнгән.
Һабантуйҙар байрамы графигы менән Башҡортостандың рәсми хоҡуҡи мәғлүмәт интернет-порталында танышырға мөмкин.