Шәмбе көнө, 14 июндә Өфөнөң «Первушино» аэродромында «Безумные гонки» тигән алтынсы экстремаль уҙыш һәм «Һабантуй-Terratuy» саралары  үтә.

Ойоштороусылар хәбәр итеүенсә,тамашасылар Башҡортостанда үтә еңел бөтөн металдан етештерелгән самолетты күрә аласаҡ,  осоу сараһы тулыһынса Рәсәй материалдарынан йыйылған.

Балалар өсөн төрлө уйындар, аниматорҙар була. Шулай уҡ ҡатнашыусылар һәм тамашасылар өсөн концерт, конкурстар күҙалланған. Сара иртәнге сәғәт 11-ҙә башлана.

Шулай уҡ 14 июлдә «Альтаир-10» фестивален ҡарарға мөмкин. Был көндө De Bufo гримында Өфө театры «Лыба» спектакленең премьераһын тәҡдим итәсәк.