М. Ғафури исемендәге Башҡорт академия драма театрының Ғаилә йылына арналған яңы социаль проекты «Әсәйҙәр өсөн күнекмә» тип атала.
Бөгөн, 5 июнь 17.30 сәғәттән 18.00 сәғәткә тиклем М.Ғафури исемендәге Башҡорт дәүләт академия драма театры алдындағы майҙанда республиканың билдәле фитнесс-үҙәге белгестәре һауыҡтырыу өсөн гимнастика үткәрәсәк.

Улар менән бер рәттән театр һәм кино йондоҙҙары, танылған эстрада йондоҙҙары, телевидение алып барыусылары ҡатнашасаҡ.  Барлыҡ тамашасыларҙы, был матур сәләмәтлек акцияһында ҡатнашырға әйҙәйбеҙ.

Был сара ваҡытығыҙҙы күңелле һәм файҙа менән үткәрергә ярҙам итер. Һеҙҙе күңелле музыка, күтәренке кәйеф, шулай уҡ спонсорҙарҙан иҫ китмәле бүләктәр көтә!