Бөгөн билдәле шәхесебеҙ, академик Нияз Мәжитовҡа арналған Башҡорт дәүләт университетында “Евразия боронғо һәм урта быуат мәҙәниәт солғанышында” тигән темаға халыҡ-ара фәнни симпозиум үтә.
Конференция пленар һәм секция өлөштәргә бүленгән. Бынан тыш, сара сиктәрендә республиканың район һәм ҡалаларында эшләп килгән ҡоролтай етәкселәренең семинары ҡаралған. Уҡыу йортоноң фойеһында Нияз Мәжитовтың эшмәкәрлегенә арналған күргәҙмә асылды.
Бөгөн кисен арҙаҡлы ғалим, археолог, академик Нияз Мәжитовтың тыуыуына 85 йыл тулыуы билдәләнә. Ошо уңайҙан 6 декабрҙә Х. Әхмәтов исемендәге Башҡорт дәүләт филармонияһында уның яҡты иҫтәлегенә арналған хәтер кисәһе үтә.
Башлана - 19.00.
Инеү бушлай.
Рәхим итегеҙ!