Бөгөн, 15 майҙа башҡаланың «Башҡортостан» дәүләт концерт залында,  «Тамыр» телеканалы «Халҡым йыры тамырымда»  тип исемләнгән  балалар байрамы уҙғара.  

Йыл һайын кескәй йондоҙҙар – йәш алып барыусылар, йыр студияһы, «Сулпылар» республика телевизион конкурсы еңеүселәре, республиканың бейеү коллективтары, шулай уҡ һаулыҡ мөмкинлектәре сикле балалар ҡатнашлығында концерттар уҙғарыу изге йолаға әүерелгән.

Тамырҙар байрам өсөн махсус рәүештә балалар башҡарыуында башҡорт халыҡ йырҙарынан аудиоальбом әҙерләйәсәк,  концерт сиктәрендә мауыҡтырғыс уйындар, тәм-томдан ауыҙ итеү саралары ойоштороласаҡ.