Бөгөн, 2 августта Башҡортостандың Милли музейында Санкт-Петербург балауыҙ һындары музейының уникаль күргәҙмәһе асыла.

Күргәҙмәлә 40 тан ашыу балауыҙ һындар менән танышырға мөмкин буласаҡ. Рәсәйҙең һәм донъяның билдәле сәйәсмәндәрен, бөйөк ғалимдарҙы, сәнғәт эшмәкәрҙәрен, шоу-бизнес һәм кино йондоҙҙарын, йәнһүрәттәрҙәге популяр персонаждарҙы, шулай уҡ Гиннес рекордтар китабынан һындар тәҡдим ителәсәк.

Ойоштороусылар хәбәр итеүенсә, күргәҙмәлә селфи эшләргә рөхсәт ителә, әммә экспонаттарҙы ҡул менән тотоп ҡарарға ярамай. Күргәҙмә 9 сентябрға тиклем эшләй. Рәхим итегеҙ!