Бөгөн, 12 сентябрҙә, Башҡортостандың Милли музейында совет заманы мәктәбе тураһында «Мөғжизәле мәктәп йылдары!» исемле  күргәҙмә үҙ ишектәрен аса.

Күргәҙмәлә тарихи документтар һәм фотоһүрәттәр, шулай уҡ совет мәктәбе атрибуттары: дәреслектәр, дәфтәрҙәр, яҙыу дәфтәрҙәре, көндәлектәр, ҡауырһынлы ручкалар, формалар, портфелдәр менән танышырға мөмкин.

Күргәҙмә залында XX быуаттың икенсе яртыһындағы фарфор һындар һәм открыткаларҙың һирәк осрай торған коллекциялары тәҡдим ителгән.