Бөгөн Бөрйән районында “Урал батыр”эпосын яттан һөйләүселәрҙең республика конкурсы башлана. Йәш сәсәндәр бәйгеһе мәшһүр халыҡ ижады өлгөһөн популярлаштырыу йәһәтенән йыл да уҙғарылып килә. Төбәк конкурсында 145 бала, шул иҫәптән, Силәбе өлкәһе мәктәптәренән дә уҡыусылар ҡатнашырға теләк белдергән.
“Урал батыр”эпосын яттан һөйләүселәрҙең конкурсы 19-сы тапҡыр ойошторола.

Был конкурс республика мәктәптәренең йәш сәсәндәрен барлай, иленә хеҙмәт итерҙәй өмөтлө һүҙ оҫталарын асыҡлай. Бәйгегә бары тик һәләтле балалар ғына йыйыла, яңы исемдәр асыла, талантлы балаларға ҡанаттар ҡуя.

 Бәйгенең әһәмиәте баһалап бөткөһөҙ, уҡыусылар эпос нескәлектәренә төшөнөү менән бер рәттән, үҙҙәренә яңы танышлыҡтар булдыра, дуҫтар таба.