Мәжит Ғафури исемендәге Башҡорт дәүләт академия драма театрының юбилей гастролдәренең тәүгеһе февраль башында Мәскәүҙә А.С.Пушкин исемендәге театрҙың Төп сәхнәһендә үтәсәк.
Рәсәйҙең баш ҡалаһында йәшәүселәргә коллектив 3 спектакль һәм 1 театрлаштырылған концерт тәҡдим итә.
4 февралдә 19:00 сәғ. – режиссер Айрат Абушахмановтың «Зөләйха күҙҙәрен аса» спектакле (Г.Яхина романы буйынса, Я.Пулинович инсц.). Гастроль сиктәрендә «Зөләйха күҙҙәрен аса» спектаклен «Алтын битлек» Рәсәй милли театр Фестивале-премияһының 16 баһалама ағзаһы ҡараясаҡ.
5 февралдә 14:00 сәғ. – режиссер Илсур Ҡаҙаҡбаевтың «Хыялға ҡаршы» спектакле (А.Ишбулдина инсц. Айгиз Баймөхәмәтовтың «Ҡалдырма, әсәй!» повесы буйынса).
5 февралдә 19:00 сәғ. – музыкаль комедия «Шәүрәкәй» (М. Буранғолов, реж.А.Абушахманов).
6 февралдә 19:00 сәғ. – «Сәмле ярыш-баттл!» исемле театрлаштырылған концерт.