Ул Башҡортостандың халыҡ шағиры Рәми Ғаприповҡа арнала. «Шағир көндәлеге» — республика тарихында халыҡ ярҙамына таянған тәүге кино.
Тәүге тапҡыр фильм тураһында йәмәғәтселеккә 2019 йылдың авгусында иғлан ителде һәм ошо ваҡыттан алып халыҡтан 1 миллион һумдан ашыу аҡса йыйылды. Пандемия сәбәпле фильм буйынса эштәр туҡтап торҙо һәм 2020 йылдың декабрендә йәнә тергеҙелде.
Фильмды Башҡортостан Башлығы, Мәҙәниәт министрлығы, Ә.Абдразаҡов исемендәге «Башҡортостан» киностудияһы, Свердловск киностудияһы һәм Бөтә донъя башҡорттары ҡоролтайы ярҙамында кинорежиссеры Булат Йосопов төшөрә.
Киностудия директоры Юнир Әминевтең әйтеүенсә, “Шағир көндәлеге” фильмы 2022 йылдың сентябрендә прокатҡа сығарылырға тейеш.