Бөгөн Туймазыла “Оҙон көй” төбәк-ара конкурсы асыла
Башҡорт халҡының бай тарихын, рухын сағылдырған оҙон көйҙәр башҡарыу – йыр оҫталығының иң юғары нөктәһе.
9-11 ноябрҙә Туймазы ҡалаһында башҡорт халыҡ йырҙарын башҡарыусыларҙың "Оҙон көй" төбәк-ара конкурсы үтә. Бәйгенең маҡсаты — талантлы йырсыларҙы асыҡлау һәм пропагандалау, халыҡ йырҙарын башҡарыу традицияларын үҫтереү һәм һаҡлау. Илдең күп кенә төбәктәренән йөҙгә яҡын йырсы ҡатнашыу теләге белдергән.
Сараны ойоштороусылар: Башҡортостандың Мәҙәниәт министрлығы, Республика халыҡ ижады үҙәге, Туймазы районы хакимиәте.
Туймазыла «Оҙон көй» йыр байрамын үткәреү тәжрибәһенең тарихы бай. Киләһе йылда "Оҙон көй"гә егерме йыл тула. Үткән осорҙа унда илебеҙҙең төрлө төбәктәренән дүрт йәштән алып 88 йәшкәсә меңгә яҡын башҡарыусы ҡатнашҡан.
Тәүге тапҡыр I Бөтә донъя башҡорттары ҡоролтайы ҡарарҙарын, башҡорт фольклорын өйрәнеү, тергеҙеү һәм үҫтереү дәүләт программаһын тормошҡа ашырыу маҡсатында башҡорт халыҡ йырҙарын яратып башҡарыусылар 1997 йылда йыйылғайны. Ул ваҡытта бәйгене урындағы хакимиәт һәм башҡорт ҡоролтайының башҡарма комитеты ойошторғайны.
Бәйге йылдан-йыл популярлыҡ яулай килде. Бер йылдан һуң ул зона кимәленә сыҡты, конкурс географияһы киңәйгәндән киңәйҙе. Һәр бәйгелә лә Өфө, Туймазы, Октябрьский ҡалаларынан, Туймазы, Благовар, Баҡалы, Бүздәк, Йәрмәкәй, Шаран райондарынан, Татарстандың һәм Ырымбур өлкәһенән оҙон көй һуҙыусылар ҡатнаша килә.
2001 йылда “Оҙон көй” гә төбәк конкурсы статусы бирелә. 2007 йылда Башҡортостандың үҙ ирке менән Рәсәй дәүләтенә ҡушылыуына 450 йыл тулыу уңайынан ойошторолған бәйгелә илдең һигеҙ төбәгенән 170 башҡарыусы, шул иҫәптән республиканың 47 ҡала һәм райондары вәкилдәре ҡатнаша.
Бәйгелә оло йәштәгеләрҙең генә түгел, сәхнәгә тәү тапҡыр аяҡ баҫҡан йәш йырсыларҙың да сығыш яһауы башҡорт халыҡ йырының яңы һулыш алыуы, үҙ башҡарыусыларын табыуы, халыҡтар араһындағы ысын дуҫлыҡ күперенә әүерелеүе хаҡында һөйләй.
Гүзәл Багаева
9-11 ноябрҙә Туймазы ҡалаһында башҡорт халыҡ йырҙарын башҡарыусыларҙың "Оҙон көй" төбәк-ара конкурсы үтә. Бәйгенең маҡсаты — талантлы йырсыларҙы асыҡлау һәм пропагандалау, халыҡ йырҙарын башҡарыу традицияларын үҫтереү һәм һаҡлау. Илдең күп кенә төбәктәренән йөҙгә яҡын йырсы ҡатнашыу теләге белдергән.
Сараны ойоштороусылар: Башҡортостандың Мәҙәниәт министрлығы, Республика халыҡ ижады үҙәге, Туймазы районы хакимиәте.
Туймазыла «Оҙон көй» йыр байрамын үткәреү тәжрибәһенең тарихы бай. Киләһе йылда "Оҙон көй"гә егерме йыл тула. Үткән осорҙа унда илебеҙҙең төрлө төбәктәренән дүрт йәштән алып 88 йәшкәсә меңгә яҡын башҡарыусы ҡатнашҡан.
Тәүге тапҡыр I Бөтә донъя башҡорттары ҡоролтайы ҡарарҙарын, башҡорт фольклорын өйрәнеү, тергеҙеү һәм үҫтереү дәүләт программаһын тормошҡа ашырыу маҡсатында башҡорт халыҡ йырҙарын яратып башҡарыусылар 1997 йылда йыйылғайны. Ул ваҡытта бәйгене урындағы хакимиәт һәм башҡорт ҡоролтайының башҡарма комитеты ойошторғайны.
Бәйге йылдан-йыл популярлыҡ яулай килде. Бер йылдан һуң ул зона кимәленә сыҡты, конкурс географияһы киңәйгәндән киңәйҙе. Һәр бәйгелә лә Өфө, Туймазы, Октябрьский ҡалаларынан, Туймазы, Благовар, Баҡалы, Бүздәк, Йәрмәкәй, Шаран райондарынан, Татарстандың һәм Ырымбур өлкәһенән оҙон көй һуҙыусылар ҡатнаша килә.
2001 йылда “Оҙон көй” гә төбәк конкурсы статусы бирелә. 2007 йылда Башҡортостандың үҙ ирке менән Рәсәй дәүләтенә ҡушылыуына 450 йыл тулыу уңайынан ойошторолған бәйгелә илдең һигеҙ төбәгенән 170 башҡарыусы, шул иҫәптән республиканың 47 ҡала һәм райондары вәкилдәре ҡатнаша.
Бәйгелә оло йәштәгеләрҙең генә түгел, сәхнәгә тәү тапҡыр аяҡ баҫҡан йәш йырсыларҙың да сығыш яһауы башҡорт халыҡ йырының яңы һулыш алыуы, үҙ башҡарыусыларын табыуы, халыҡтар араһындағы ысын дуҫлыҡ күперенә әүерелеүе хаҡында һөйләй.
Гүзәл Багаева
