Башҡортостандың халыҡ шағиры Назар Нәжмиҙең тыуыуына 100 йыллыҡҡа арналған кисәләр дауам итә. Был йәһәттән, Өфө ҡалаһының Дим районында урынлашҡан 13 – сө китапханала байрам кисәһе үтте.

Китапханасы Зөһрә Марат ҡыҙы Мөхәмәтова әҙиптең биографияһына байҡау яһап, уның ғаиләһе, тормошо, ижады хаҡында бай мәғлүмәт еткерҙе.

Назар Нәжми шиғырҙары үҙенсәлекле, моңло булғанғалырмы, композиторҙар уның шиғырҙарына бик күп йырҙар ижад итеүе күптәргә мәғлүм инде. Әммә Рим Хәсәнов яҙған « Ҡышҡы романс» һәм «Өфө йүкәләре» бигерәк тә популярлыҡ яулап, яратып тыңлаған йырҙарға әйләнә. Әлбиттә, кисәгә килгән уҡыусылар ҙа был йырҙарҙың яҙмаһын ҙур кинәнес менән тыңланы.