Хрущев заманында төҙөлгән йорттоң тышҡы яғында яҙыуҙар ҙа бар - миллиондарса кеше күңелен яулап, хитҡа әйләнгән композицияларҙан өҙөктәр килтерелә. Ҡылһыҙ гитара эсендә иһә артистың йөҙөн күрергә мөмкин. Рәссамдар граффитиға ҙур идея һалған.

Рәссам Олег Кайбышев бер төркөм коллегалары менән граффити аша йырсының исемен мәңгелләштерергә була. Был торлаҡтың бишенсе ҡатында Земфираның бала һәм үҫмер сағы үткән. Унда ул ата-әсәһе менән туҡһанынсы йылдар аҙағына тиклем йәшәгән. Фатир күптән инде һатылған. Хәҙер Ушаков урамындағы, 46-cы йортта башҡа милекселәр йәшәй. Әммә был биләмәлә айырыуса атмосфера һаҡлана.