Хөсәйен Әхмәтов исемендәге Башҡорт дәүләт филармонияһы хәбәр итеүенсә, яңы ғына Силәбе өлкәһендә ҙур уңыш менән сығыш яһап ҡайтҡан «Далан» эстрада төркөмө йәнә «музыкаль сәфәрҙә”.

 Был юлы  Башҡортостандың халыҡ артисы Артур Туҡтағолов етәкләгән ижади төркөм Ырымбур, Силәбе өлкәләре һәм республикабыҙҙың башҡа ҡала-райондарында сығыш яһаясаҡ. Йырлы-моңло сәфәр 12 май Силәбе өлкәһенең Миәсс ҡалаһынан башланды.

 13 май «Йондоҙло юбилей» Баймаҡ районы Темәс ауылында гөрләне. Артабан башҡорт эстрадаһының иң рухлы йырсыларының береһе Артур Туҡтағолов тыуған яҡтарына юллана.

Беренсе концерты уның бөгөн-14 май Медногорск ҡалаһында үтәсәк. 15-е –Ҡыуандыҡта, 16-һы - Ейәнсура районы менән сиктәш булған Ҡороюл ауылында, 17 май – Новосергеевка, 18-ҙе – Плешаново, 19 май – Александровка, 20-һе – Пушкино, 21-е - Пролетарка ауылдарында буласаҡ. Гастролдәр 23 май Салауат ҡалаһында тамамлана.

     Артур Туҡтағоловтың йондоҙло юбилейында Нәзифә Ҡадырова, Ғәли Алтынбаев (баян), Миңзифа Исҡужина, Искәндәр Ғәзизов, Илнур Рамаҙанов, Филүс Ҡалмурзин, Илнур Һибәтуллин (ҡурай) һәм башҡалар ҡатнаша.