Республика халыҡ ижады үҙәге Дим районы дәүләт клиник дауаханаһы алдында хәйриә концерты ойоштора.

28 июндә 14 сәғәттә Өфө ҡалаһының Дим районында клиник дауахана алдында аҡ халатлылар өсөн хәйриә концерты үтәсәк. Унда «Бишбармаҡ» оркестры, халыҡ ижады үҙәгенең үҙешмәкәр артистары – «Умырзая» халыҡ вокал ансамбле башҡарыусыһы Наталья Минеева, «Ауаз» башҡорт фольклор ансамбленән Резида Шәрәфетдинова, Айгөл Искәндәрова, Ильяс Аллаяров, балалар вокал студияһы етәксеһе Линара Шабаева һәм «Селтәр» студияһы етәксеһе Фатима Хәйретдинова сығыштары көтөлә.