7-9 апрелдә Нефтекамала башҡорт һәм татар йырҙарын башҡарыусыларҙың "Дуҫлыҡ моңо" халыҡ-ара конкурсы уҙғарыла. Унда 16 йәштән 35 йәшкә тиклемге һәүәҫкәр башҡарыусылар һәм юғары уҡыу йорттарының йыр бүлектәренән башланғыс курстар студенттары ҡатнаша ала. Бәйге ике турҙа үтә. Беренсеһе- Халыҡ йырҙары, икенсеһе - Эстрада йырҙары. Ҡатнашыусылар башҡорт халыҡ йыры, башҡорт композиторының эстрада йыры, татар халыҡ йыры, татар композиторының эстрада йыры йүнәлештәрендә әҫәрҙәр әҙерләргә тейеш. Сығыштарҙы Башҡортостандың Һәм Татарстандың күренекле сәнғәт эшмәкәрҙәре баһалай.