Рәсәй президенты Грантына «Мәргән уҡсының ете ырыуы» проектын тормошҡа ашырыу сиктәрендә Ейәнсура районында уҡ атыу буйынса семинар-практикум үтте.

Республика халыҡ ижады үҙәгенең алдынғы белгесе, «Мәргән уҡсы» ойошмаһы етәксеһе Юлай Ғәлиуллин ҡатнашыусыларҙы ойошма менән таныштырҙы, фестивалдәр, уҡ ярыштары, башҡорт ирҙәренең кейемдәре тураһында һөйләне.

«Аҡ сатыр» мәҙәниәт һәм спорт паркында семинарҙың практик өлөшө үтте, унда ҡатнашыусылар беренсе тапҡыр уҡ атып ҡараны.

Проектың маҡсаты – төрлө тамашалар үткәреү өсөн урындарҙа уҡсылар клубын әҙерләү. Киләсәктә Ейәнсура районында ла  уҡсылар йүнәлешен үҫтереү өсөн яндар, уҡтар, ҡалҡандар һатып алынды.