«Елкән» башҡорт классик музыкаһын  башҡарыусыларҙың асыҡ телевизион конкурсы өсөнсө тапҡыр старт ала. Проектты Башҡортостан Республикаһының Мәҙәниәт министрлығы булышлығында «Тамыр» балалар телеканалы тормошҡа ашыра. 

Конкурста ҡатнашыусылар башҡорт композиторҙарының әҫәрҙәрен һәм профессиональ музыканттар эшкәртеүендәге башҡорт халыҡ көйҙәрен башҡара. Конкурс дүрт номинация буйынса уҙғарыла.

Ғаризалар 2023 йылдың 15 июненә тиклем ҡабул ителә. Конкурста 8-14 йәшлек музыканттар ҡатнаша ала. Һайлап алыу һәм конкурс турҙары программаһы соло йәки концертмейстер менән башҡарыла. Финалсылар ҙур сәхнәлә симфоник оркестр оҙатыуында уйнау мөмкинлегенә эйә.