Кисә Өфөлә "Евразия йөрәге" фестиваленә йомғаҡ яһалды. Конгресс-холл янындағы амфитеатрҙа ҙур концерт ойошторолдо. Сара киске 23 сәғәткә тиклем дауам итте. Программала "ДДТ" төркөмө йырсыһы Алена Романова, Астана-операһынан Жупар Ғабдуллина, Әзербайжан операһы солисы Илһам Назаров, Израиль вәкиле Тельман Гужевский, "Балалар. Тауыш" проектында ҡатнашҡан Марсель Сабиров һәм Маша Мирова, "Урал моңо" фестивале финалистарының сығыштары менән бай йөкмәткеле булды.