“Евразия йөрәге”н иртәгә 3 күләмле сара дауам итә. Уларҙың береһе- милли кейемдәр парады. Ҡатнашыусылар Мәжит Ғафури исемендәге Башҡорт дәүләт академия драма театры алдындағы майҙанда йыйыла. Артабан улар Зәки Вәлиди урамы буйлап Салауат Юлаев һәйкәленә тиклем киләсәк. Кискә “Урал моңо” конкурсы финалы үтә, ул тамамланыу менән “Этнотөн” башлана. Барлыҡ тамашалар ҙа Конгресс- холл аҫтындағы майҙанда- Өфө амфитеатрында уҙасаҡ. Быға тиклем “Евразия йөрәге” барышында унда “Симфоник төн”, “Кино төнө”, “Ҡурайфест” үтте. “Евразия йөрәге” конкурс-фестивале иртәгә амфитеатрҙа ҙур концерт менән йомғаҡланасаҡ.