М. Ғафури исемендәге Башҡорт дәүләт академия драма театры актеры, Рәсәйҙең, Башҡортостандың һәм Татарстандың халыҡ артисы, С. Юлаев исемендәге БР дәүләт премияһы лауреаты, Салауат Юлаев ордены кавалеры «Өфө ҡалаһының почетлы гражданы» исеменә лайыҡ булды.

Бөгөн, 23 июндә Ҡала советы ултырышында ҡотлау тантанаһы үтте. Танытманы Өфө ҡалаһы хакимиәте башлығы Өлфәт Мостафин тапшырҙы. Әйткәндәй, яратҡан актер ултырышҡа стилләштерелгән башҡорт эшлекле костюмында килде.

Фидан Ғафаров – күптәрҙең яратҡан артисы.  55 йыл театрҙа эшләү осоронда йөҙҙән ашыу сағыу образдар тыуҙырҙы. Уның башҡарыуында спектаклдәр йырҙары халыҡ мөхәббәтен яуланы.  

Фидан Сафа улын ихлас күңелдән ҡотлайбыҙ! Уға ныҡлы һаулыҡ һәм ижади уңыштар теләйбеҙ!