13 майҙа “Родина” кинотеатрында фоторәссам Светлана Комкова менән композитор Марат Фәйзуллин ижади кисә үткәрә.

Бер нәмәгә ике ҡараш” тип аталған кисәлә ике автор “Еңеүселәр быуындары. Бөйөк Ватан һуғышы һәм Махсус хәрби операция” темаһына ижади ҡараштары менән уртаҡлаша. Был тарихты сәнғәттең ике төрө – фотоһүрәт һәм музыка аша шәхси баһалау.

Ижади осрашыу барышында, көндөҙгө сәғәт 4-тә, С. Комкованың “Атайҙар һәм балалар. Бөйөк Ватан һуғышы/Махсус хәрби операция” тигән фотокүргәҙмәһе асыла, ә 16.45 сәғәттә М. Фәйзуллиндың оркестр өсөн яҙылған “Оран” (“Зов”) симфонияһының киноверсияһы күрһәтелә.

Ойоштороусылар ижади сараға килергә теләүселәрҙе көтөп ҡала, инеү ирекле.

Фотолар: С. Комкова.