Фәйзи Ғәскәров исемендәге халыҡ бейеүҙәре ансамбле 10 майҙан алып 31-енә тиклем гастролдәр менән Бразилияға йыйына. Ансамбль артистары Көньяҡ Америка дәүләтенең 10 ҡалаһында концерт менән сығыш яһаясаҡ. Гастролдәр Рибейран-Прету, Сантос, Кампинас, Уберландия, Гояния, Витория, Рио-де-Жанейро, Ново-Хамбурго һәм Порту-Алегри ҡалалары буйлап үтәсәк.
Ғәскәровсылар Бразилияла Ғәскәровтың алтын фондынан башҡорт һәм Рәсәй халыҡтары бейеүҙәре ингән концерт программаһы менән Башҡортостан исеменән сығыш яһай.