Башҡорт халыҡ йырҙарын оҫта башҡарыусы уникаль тауыш эйәһе, тип таныйҙар уны. Ошо моңло тауышы уны башҡорт эстрадаһының йәш башҡарыусылары араһынан айырып, хатта юғарыраҡ баҫҡысҡа күтәреп тора кеүек. Һүҙебеҙ Х. Әхмәтов исемендәге Башҡорт дәүләт филармонияһы йырсыһы, «Карауан» төркөмө солисы Марсель ҠОТОЕВ тураһында.

Ҡыҫҡа ваҡыт эсендә үҙен һәләтле, ҡабатланмаҫ тауышлы моң эйәһе итеп таныта. “Гәлсәр һандуғас”, “Башҡорт йыры” телевизион фетивалдәрендә, “Урал моңо” халыҡ-ара төрки йәштәренең конкурс-фестивале, “Жайыҡ DAUYSY” халыҡ-ара музыка фестивалендә уңышлы сығыш яһай һәм призлы урындар яулай.

Марсель Ҡотоевтың ижады тураһында телгә алып, тамашасы уны халыҡ йырҙарын шәп башҡарыусы тип таный. Ә кем уның йырлағанын ишеткәне юҡ, улар һәм уның ижадын яратыусылар йәш башҡарыусының 14 НОЯБРЬ филармонияла үтәсәк концертына рәхим итһен. Программаға һеҙ яратҡан йырҙар- башҡорт халыҡ һәм эстрада йырҙары ингән. Әйткәндәй, Марсель Ҡотоев, шулай уҡ, ижадташ дуҫтары менән бергә сығыш яһаясаҡ.

14 НОЯБРЬ Х. Әхмәтов исемендәге Башҡорт дәүләт филармонияһында халыҡ-ара һәм республика конкурстары лауреаты МАРСЕЛЬ ҠОТОЕВ һеҙҙең өсөн йырлай! Рәхим итегеҙ!

Гүзәл Багаева