Ырымбур өлкәһенең Үрге Ильяс ауылында халыҡ сәсәне, башҡорт әҙәбиәтенең классигы Мөхәмәтша Буранғоловтың тыуыуына 130 йыл тулыуы уңайынан иҫтәлекле стела асыла.
Тантаналы сара 5 октябрҙә сәғәт 10-да башлана.
Ошо уҡ көндө Иҫке Юлдаш мәктәбенең бер быуатлыҡ юбилейы ла билдәләнәсәк.
Мәртәбәле сарала тарихсылар, журналистарҙан торған Башҡортостан делегацияһы ла ҡатнаша. Уны Бөтә донъя башҡорттары ҡоролтайы Башҡорт халҡының тарихы комиссияһы рәйесе, БДУ доценты Нурислам Ҡалмантаев етәкләй.