Мәжит Ғафури исемендәге Башҡорт дәүләт академия драма театры хәбәр итеүенсә http://bash.bashdram.ru , театр актерҙары тиҙҙән  Айгиз Баймөхәмәтовтың “Ҡалдырма, әсәй” повесы буйынса ҡуйылған “Хылға ҡаршы”спектакле менән Урал аръяғы райондары буйлап гастролгә сыға.

20 апрель – Бөрйән районы Иҫке Собханғол мәҙәниәт үҙәгендә,

21 апрель – Баймаҡ мәҙәниәт һарайында,

22 апрель – Сибай дәүләт драма театрында,

23 апрель – Әбйәлил районы Асҡар мәҙәниәт үҙәгендә,

27 апрель – Күгәрсен районы Мораҡ ауылы,

28 апрель – Ейәнсура районы Иҫәнғол ауылы,

29 апрель – Хәйбулла районы Аҡъяр мәҙәниәт йорто,

30 апрель – Хәйбулла районы Буребай мәҙәниәт йортонда,

1 май – Әбйәлил районы Йәнгел ҡасабаһы

Әҙәм балаһы бер ваҡытта ла йәмғиәттән тыш йәшәй алмай. Йәмғиәт тәрбиәләй, йәшәү ҡанундарын билдәләй. Хатта атай-әсәйһеҙ һәм ғаиләһеҙ ҡалған хәлдә - уға яңы ғаилә табып бирә. Тап бына шундай осраҡ тураһында ла инде спектаклдең темаһы. Хөкүмәт тәрбиәһе аҫтына алынып та үҙҙәрен яҡлауһыҙ тойған балалар, уларҙың күңел кисерештәре, яҙмыштары тарафынан ҡыйырһытылыуы һәм барлыҡ ҡаршылыҡтарҙы еңеп сығырлыҡ хыялдарына тоғро ҡалып, уның артынан барыуҙары тураһында был сәхнә әҫәре.

Ильяс, Фәрит, Саша, Даян, Алина, Динис, Дима, балалар йорто директоры, тәрбиәләнеүселәр, опекундар, тикшереүселәр – был әҫәрҙең геройҙары. Спектаклдә бихисап ролдәр булыуына ҡарамаҫтан, уларҙы ни бары ете актер уйнай: Артур Кәбиров, Урал Әминов, Ринат Баймырҙин, Фәнис Рәхмәтов, Морат Рафиҡов, Айҙар Шәмсетдинов, Алмаз Йосопов. Спектакль дауамында йәш артистар, әллә нисә төрлө ҡиәфәткә инеп, балалар йортонда йәшәгән тәрбиәләнеүселәр яҙмышын бәйән итә. Спектаклде ҡараусы тамашасылар улар менән бергә йәшәй, шатлана, илай һәм ҡайғыра...