Сарала республика райондарынан 6 ансамбль һәм 28 айырым башҡарыусы ҡатнашҡан.

Милли музыка ҡоралын пропагандалау, һәләтле балаларҙы асыҡлау маҡсатында ойошторолған бәйге 2000-се йылдар башынан уҙғарыла.

Конкурста 12 йәшкә тиклемге ҡатнашыусылар араһында беренсе урынға Сибайҙан Динислам Утарбаев лайыҡ булған, өлкән төркөмдә Хәйбулла районынан Фәтих Үзбәков еңеү яулаған.

Бәйгелә Баймаҡ, Йылайыр, Ейәнсура райондарынан килгән йәш ҡурайсыларҙың да милли музыка ҡоралында уйнау оҫталығы юғары баһаланған.