Совет ғәскәрҙәрен Афғанстандан сығарыуҙың 30 йыллығына арналған бәйгегә Мәскәү, Ульяновск, Ростов, Севастополь, Ярославль, Татарстандан башҡарыусылар килеүе көтөлә. Фестиваль ҡунаҡтары өсөн һалдат бутҡаһы, ҡайнар сәй менән ялан кухняһы, шулай уҡ ретро автомобилдәр күргәҙмәһе буласаҡ. Сараны Өфө ҡалаһы хакимиәте, Йәштәргә патриотик тәрбиә биреү үҙәге, Башҡортостандың «Ветеран» төбәк йәмәғәт ойошмаһы, «Рәсәйҙең Афғанстан ветерандары союзы» дөйөм Рәсәй йәмәғәт ойошмаһы менән берлектә үткәрә. «Хәрби бейеклек» ветеран һәм патриотик йырҙар фестивале беренсе тапҡыр 2014 йылда ойошторолғайны. Быйыл ул 5-се тапҡыр үтә.