Мейәс ҡалаһы башҡорттары ҡоролтайы саҡырыуы буйынса, 24 июнь Смородинка ауылында Хөсәйен Әхмәтов исемендәге Башҡорт Дәүләт Филармонияһы артисттары традицион  «Ҡарға бутҡаһы» милли байрамында ҡатнашты.

Быйыл был байрам бишенсе тапҡыр үтә. Йыйылғандарҙы Мейәс ҡалаһы ҡоролтайы вәкиле Раиса Насырова һәм Черновск территориаль округы идаралығы начальнигы Сергей Клевцов сәләмләнеләр.

Башҡортостан халҡы исеменән оло рәхмәтен белдереп, Учалы районы муниципаль район хакимиәте башлығы урынбаҫары Арслан Шагаретдинов тыуған яҡтан алыҫ булған Мейәс ҡалаһы йәшәүселәре башҡорт халыҡ йолаларын ҡәҙерләп һаҡлауын билдәләне.