10 конкурсант тәүҙә музыкаль ринг форматында, һуңынан оркестр оҙатыуында һынау тотто. Сәхнәнән башҡорт халыҡ һәм классик көйҙәр менән бергә сит ил композициялары ла яңғыраны.

Конкурс һөҙөмтәләре буйынса Гран-приҙы "Ҡарауан" төркөмө ҡурайсыһы Илнур Һибәтуллин еңеү яуланы. Йәш ҡурайсыларҙы асыҡлауҙы һәм уларҙың үҫешенә булышлыҡ итеүҙе маҡсат итеп ҡуйған музыкаль ринг телевизион форматҡа ла төшөрөлдө. Тамашасылар бәйгене республиканың төп телеканалында ҡарай аласаҡ. Ойоштороусылар фестиваль һуңғыһы булмаҫ тип ышандыра. Сөнки һуңғы йылдарҙа ҡурай моңо донъя киңлектәрен әүҙем яулай.