6-7 июлдә  Иглин районында «Мәргән уҡсы» традицион яндан уҡ атыу буйынса III халыҡ-ара фестивале уҙғарыла.

Фестивалдең маҡсаты – халыҡтарҙың тарихи, этник, фольклор һәм мәҙәни мираҫын пропагандалау һәм өйрәнеү, атта һыбай килеш уҡ атыуҙы һәм традицион яндан уҡ атыуҙы популярлаштырыу.

Фестиваль сиктәрендә ике турнир – район хакимиәте башлығы бүләгенә атта һыбай килеш уҡ атыу һәм традицион яндан уҡ атыу буйынса турнир ойоштороласаҡ. Ярыш һөҙөмтәләре буйынса Башҡортостандың иң яҡшы 12 уҡсыһы асыҡлана.

Шулай уҡ «Евразия кубогы» халыҡ-ара турнирын уҙғарыу күҙалланған. Унда Башҡортостан Республикаһы йыйылмаһы, Рәсәй төбәктәренән һәм сит дәүләттәрҙән уҡсылар ҡатнаша.

  Словакиянан, Германиянан, Ҡаҙағстандан, Ҡырғыҙстандан, Белоруссиянан, Башҡортостандан, шулай уҡ Рәсәй төбәктәренән ҡатнашыусылар көтөлә.