Бишенсе тапҡыр ойошторолған "Мәргән уҡсы" бәйгеһе иллеләп ҡатнашыусыны (37 ир-егет, 16 ҡатын-ҡыҙ) бергә йыйҙы. Ҡатнашыусыларҙың барыһы ла традицион милли кейемдәрҙә сығыш яһаны.

Тотош ил кимәлендә киң билдәлелек яулаған сара - «Мәргән уҡсы» фестивалендә ҡатнашырға теләүселәр  йылдан-йыл арта. Быйыл унда Башҡортостандың ҡала-райондарынан тыш, Екатеринбург, Мәскәү, Ярославль ҡалаларынан, Силәбе, Һамар өлкәләренән, Удмуртиянан кешеләр килде. Бәйге 3 номинацияла үтте.  

Фестиваль майҙансыҡтарында яндан уҡ атыу, башҡорт аш-һыуын бешереү буйынса оҫталыҡ дәрестәре үтте, кәсепселәрҙең күргәҙмәһе ойошторолдо.